只因愛妻一句話 象山邨中秋掛滿燈籠背後的浪漫承諾
發布時間： 2018/09/27 13:36
▲ 荃灣象山邨近年中秋都會出現的「燈籠陣」，原來是暖男送給妻子的禮物。
荃灣象山邨近年每逢中秋節，都會突然出現「燈籠陣」，原來這些一排排超窩心的紙燈籠，背後有一個甜蜜的愛情故事，這位連續4年在象山邨掛燈籠的「有心人」，全因數年前頂樓有人拉起一串燈籠，妻子看見後大讚「好靚」，他便決定「做大型啲」，自始成為邨內特色文化。
妻子一句演變成4年承諾
象山邨今年中秋，天井再次掛起逾百個燈籠，facebook專頁「舊飯」特意前往邨內拍照，事後竟獲製作燈籠的事主私訊聯絡，解釋這個大製作只為博心愛妻子一笑。
這位愛妻男表示：
我會做呢件事，因為我太太，應該係2014年中秋，我同太太夜晚返屋企，佢見到頂樓，有人拉了一排燈籠，佢話好靚，影咗好多相。我同太太講：『我哋細個時呢度個個都咁玩，你覺得靚？下年我哋做大型啲好唔好？』就係咁開始咗，已經第四年了。
因愛妻男為實現當年一個承諾，大家現場才能看到邨內掛上一串串燈籠的美景。
簡單工具製作超美燈籠陣
愛妻男又大方分享「製作花絮」，分享製作燈籠陣的秘密，所需工具其實非常簡單，包括紙燈籠、鉸剪、魚絲等，但珍貴在於他的心思和堅持，他表示：
其實今年用嘅LED燈有啲唔同，我上幾年係用淘寶買嘅LED蠟燭，但嫌唔夠光。我自己買電池座同高亮度LED自己做出黎。
如此大型製作實難以依靠一人之力完成，故他又不忘感謝曾經協助他的街坊。
雖然自己的作品成為全城一時佳話，獲不少人讚賞，但他希望盡量低調，希望讀者如發現他收拾燈籠時，不要拍他照，只需拍膊頭留下一句「辛苦了」就已足夠。
原文刊於《晴報》，標題經TOPick編輯修改，原題為：象山邨中秋節掛滿燈籠陣 愛妻男只為滿足妻子一句話
